Økologisk småplante i firkantpotte 8,5×8,5×6,5cmBeskrivelse
Vi har lenge hatt ønske om å dyrke Yacon fordi smaken i litteraturen blir skildra som fruktig pære. Det ville jo vore veldig morsomt om Måneskinshagen kunne dyrke Yacon til bruk i Gardsbrenneriet som “krydder” i ein pæresider. Vi er jo skeptiske på om dette med pæresmak stemmer, men det må jo testast så i år klinka vi til og bestilte pluggplantar som vi no har potta om. Vi måtte kjøpe eit heilt brett og vi sel dei ompotta plantane som vi ikkje har plass til sjølv. Vi har håp om at sorten “inka red” som vi har valgt vil klare seg på friland her i Gloppen. Den treng omtrent dobbelt så stor plass som potet, men treng ikkje hypping. Knollane blir større jo lenger veksttid den får, gjerne 7 mnd om sesongen tillet det. Den vil ha næringsrik jord og gjerne støtte. Vi vil tru denne planten egnar seg fint å dyrke i ei potetpotte i drivhus dersom ein ikkje ønskjer å freiste skjebnen på friland.
Yacon kan stå i jorda til blada visnar på hausten, men knollane bør haustast før frosten kjem. Det er to typar knollar på planten; dei små yngleknollane som skal bli til nye plantar neste år, og de større knollane som ein haustar inn og et. Yngleknollane sit øverst medan knollane ein skal ete ligg lengre ned i jorda. Etter hausting kan ein tørke knollane på ein lys og tørr stad for å auke sødmen i knollane. Etter tørking kan dei lagrast som potet, fordelen er at yacon tåler lys lagring. Yacon kan ein både ete rå, kokte eller steikte.
Latinsk namn: Smallanthus sonchifolius ‘Inka Red’
Blogginnlegg om Yacon I Min Mors Hage